O meu gato é un poeta

GATO DON HONORATO

O NENO E O XABARÍN

-XABARÍN, XABARÍN

QUE FAS NO MEU XARDÍN?

- BUSCO UN BRINQUEDO

NESTE LINDO ARBOREDO.

-BRINQUEMOS NO ARREDOR

A XABARÍN E CAZADOR.

-EU NON GOSTO DA GUERRA

SÓ QUERO PAZ NESTA TERRA.

- XABARÍN, XABARÍN

TOCARÁS NO MEU VIOLÍN?

-NESTE LUGAR DE SOIDADE

FAREMOS A NOSA AMISTADE .

XOSÉ LOIS GARCÍA.”A figueira lingoreteira”.Edicións do Castro.

NON QUERO SER PRÍNCIPE

NON QUERO SER PRÍNCIPE

QUE QUERO SER RA,

PATIÑAS LIXEIRAS

E LAMA NA MAN.

NON QUERO SER PRÍNCIPE

DE BRANCO CABALO,

NIN VER Á PRINCESA,

NIN TER UN CRIADO.

NON QUERO SER PRÍNCIPE

QUE ANDE ÁS BATALLAS,

QUE DURMA NA CÁRCERE

DAS ALTAS MURALLAS.

EU QUERO O SILENCIO

DA LAGOA ESCURA,

CROAR CADA NOITE,

SOÑAR COA ESPESURA.

EU QUERO A LENTURA

DA ERBA ESQUECIDA,

O ULIDO DAS FLORES

NUNHA AMAÑECIDA.

NON QUERO SER PRÍNCIPE

DE SEDA TAPADO,

NIN LEVAR ESPADA

NIN USAR CALZADO.

¡DEIXÁDEME LIBRE

QUE QUERO SER RA,

QUE AS AUGAS ME FALEN

DO QUE HAI MÁIS ALÁ!

ANA Mª FERNÁNDEZ.”A casa de había unha vez”.Xerais

POLO LARANXAL

POLO LARANXAL

TRES AVELAIÑAS ANDAN A VOAR.

UNHA ,DÚAS,TRES,

DE PRESA QUE VOAN,VENSE E NON SE VEN.

POLO LARANXAL

TRES AVELAIÑAS ANDAN A CHUCHAR.

UNHA ,DÚAS,TRES,

DE TANTO QUE CHUCHAN,BORRACHAS DE MEL.

¡CAÍDAS NO CHAN,

TRES AVELAIÑAS POLO LARANXAL!

XOSÉ MARÍA ALVAREZ BLÁZQUEZ.”Roseira do teu mencer”.Xerais

"Sin título".Berta Cáccamo.

OS LAGARTOS

OS LAGARTOS VAN MARCHAR

E CHORAN DESCONSOLADOS;

SEN CANCIÓN VERDE XA QUEDAN

AS PEDRIÑAS DOS VALADOS.

¡AI, LAGARTOS,MEUS AMIGOS,

VERDE CANTAR DAS PAREDES,

NO LOMBO E MESMO NOS OLLOS,

COR DE CAMPO E LAMA TEDES.

LAGARTIÑOS, NON MARCHEDES;

MIRADE QUE AHÍ VEN O SOL,

CO SEU FEIXIÑO DE RAIOS

FARAVOS UN COBERTOR.

ANA Mª FERNÁNDEZ.”Ondas de verde e azul”.Xerais

"Man e serpe".Menchu Lamas

CARACOL

CARACOL, COL, COL;CARACOL, CARACOLEIRO;
¡PON ÓS TEUS CORNOS Ó SOL
XA QUE ERES TAN FRIOLEIRO!

O LOMBO LÉVA-LA CASA,
CARACOL, CARACOLEIRO;
¡E DEIXAS CINTAS DE SEDA
ENGALANANDO O CARREIRO!

CARACOL, COL, COL;
CARACOL, CARACOLÓN:
¡PON OS TEUS CORNOS Ó SOL
Ó SOL OS TEUS CORNOS PON!




Manuel María."Os soños na gaiola".Merlín. Xerais

O ESQUÍO

VIVE NUN CARBALLO

VAI DE PÓLA EN PÓLA,

RECOLLE BUGALLOS,

XOGA Á MARIOLA.

VISITA A UN VECIÑO,

QUE HAI NUN CASTIÑEIRO

PORQUE VAI VELLIÑO

E ANDA ALGO TRISTEIRO.

A NOIVA DO ESQUÍO

VIVE NUHA ABRAIRA,

DALLE ELA ABELÁS

E EL LÉVALLE LANDRAS.

MARICA CAMPO.Abracadabras.Ed.Do Castro.

O CUCO

CANTA O CUCO CALA E CANTA
NOS CASTIÑEIROS DO VAL.
PASA O TEMPO E NON DI NADA,
E VOLTA O CUCO A CANTAR.
UXIO NOVONEYRA

CATRO AVES

CATRO AVES ESCOLLIDAS

SON AS QUE PASAN O MAR:

O CUCO E A ANDORIÑA

A RULA E O PASPALLÁS.

(TRADICIONAL)