DIXO O GALO

DIXO O GALO:

- EU QUERO UN PAN.

DIXO A GALIÑA:

-VAINO AMASAR.

DIXO O GALO:

-VOU MANCHAR A PLUMA.

DIXO A GALIÑA:

-LÁVAA CON ESCUMA.

DIXO O GALO:

VOU MANCHAR A PATA.

DIXO A GALIÑA:

-MÉTEA NUNHA LATA.

DIXO O GALO:

-¡QUE MANCHO O PETEIRO!

DIXO A GALIÑA:

-¡MÉTEO NUN PUCHEIRO!

DIXO O GALO:

-NON TEÑO FARIÑA.

DIXO A GALIÑA:

-BÚSCAA NA COCIÑA.

DIXO O GALO:

-VOU CANSO DE ANDAR.

DIXO A GALIÑA:

-CON FAME HAS QUEDAR.

ANA Mª FERNÁNDEZ: ¿QUEN VIVE AQUÍ?, ED GALAXIA

QUIXERA SER UNHA NUBE

QUIXERA SER UNHA NUBE:
SUBIR, SUBIR E SUBIR; 
CANDO HAXA FESTA NO CEO,
VESTIDO BRANCO LUCIR.

QUIXERA SER PAXARIÑO

PARA APRENDER A VOAR

E NO CABALO DO VENTO

TODO O CEO PASEAR.

QUIXERA SER TRIGO VERDE,

ESPIGUIÑA DO TRIGAL,

OS PÉS AGARRANDO A TERRA

E CO MEU CORPO BAILAR.

QUIXERA SER PRIMAVERA,

TRAER FOLLAS E VERDOR,

PINTAR NOS PRADOS AS FLORES,

CANTAR COMA O REISEÑOR.

                 ANA Mª FERNÁNDEZ: TRES VOLTAS AO PLANETA, ED. EVEREST

            

POLAS RÚAS DE TULÚS

Polas rúas dos versos. 

Edelvives. Colección Ala Delta

NON QUERO SER PRÍNCIPE

NON QUERO SER PRÍNCIPE

QUE QUERO SER RA,

PATIÑAS LIXEIRAS

E LAMA NA MAN.

NON QUERO SER PRÍNCIPE

DE BRANCO CABALO,

NIN VER Á PRINCESA,

NIN TER UN CRIADO.

NON QUERO SER PRÍNCIPE

QUE ANDE ÁS BATALLAS,

QUE DURMA NA CÁRCERE

DAS ALTAS MURALLAS.

EU QUERO O SILENCIO

DA LAGOA ESCURA,

CROAR CADA NOITE,

SOÑAR COA ESPESURA.

EU QUERO A LENTURA

DA ERBA ESQUECIDA,

O ULIDO DAS FLORES

NUNHA AMAÑECIDA.

NON QUERO SER PRÍNCIPE

DE SEDA TAPADO,

NIN LEVAR ESPADA

NIN USAR CALZADO.

¡DEIXÁDEME LIBRE

QUE QUERO SER RA,

QUE AS AUGAS ME FALEN

DO QUE HAI MÁIS ALÁ!

ANA Mª FERNÁNDEZ.”A casa de había unha vez”.Xerais

DEIXÁDEME LIBRE

DEIXÁDEME LIBRE,

QUE QUERO IR Ó MAR;

CAMIÑO DE IDA,

NON VOU REGRESAR.

AS ONDAS ME LEVEN

ONDE HAXA UN CANTAR.

DO BARCO DOS SOÑOS,

SEREI CAPITÁN.

ARROACES MOUROS

VIRANME ESCOLTAR.

SEGUIREI DA ESCUMA

O LOUCO BAILAR.

DOS PORTOS QUE TOQUE,

NINGÚN SABERÁ.

DEIXÁDEME LIBRE,

QUE QUERO IR Ó MAR.

ANA Mº FERNÁNDEZ.”Ondas de verde e azul”.Xerais

OS LAGARTOS

OS LAGARTOS VAN MARCHAR

E CHORAN DESCONSOLADOS;

SEN CANCIÓN VERDE XA QUEDAN

AS PEDRIÑAS DOS VALADOS.

¡AI, LAGARTOS,MEUS AMIGOS,

VERDE CANTAR DAS PAREDES,

NO LOMBO E MESMO NOS OLLOS,

COR DE CAMPO E LAMA TEDES.

LAGARTIÑOS, NON MARCHEDES;

MIRADE QUE AHÍ VEN O SOL,

CO SEU FEIXIÑO DE RAIOS

FARAVOS UN COBERTOR.

ANA Mª FERNÁNDEZ.”Ondas de verde e azul”.Xerais

"Man e serpe".Menchu Lamas

VEN ONDA NÓS O OUTONO

VEN ONDA NÓS O OUTONO
DACABALO DO AIRE;
NOS CAMIÑOS DA FRAGA
OS OURIZOS XA ABREN.
SÍNTOO CHEGAR CONTENTO
DA ETERNA VIAXE
ENREDANDO ENTRE AS FOLLAS,
ESTREANDO FRIAXE.

ANA Mª FERNÁNDEZ.”Ondas de verde e azul”.Xerais

OUTONO DOURADO



VEN VINDO , OUTONO DOURADO,
COA TÚA FRAUTIÑA DE VENTO
E O TEU PANTALÓN MOLLADO.

BRINCA NO MEDIO DOS MONTES
CO ARRECENDO NO PELO
DAS ESPIGAS E DAS FONTES.

CÓLLELLE A DIANTEIRA Ó FRÍO
ACASTAÑANDO NAS CORES
DA BEIRA DO NOSO RÍO.

VEN VINDO OUTONO DOURADO,

COS PETOS CHEOS DE NOCES
E DE OURIZOS REGAÑADOS.

ANA Mª FERNÁNDEZ. "POLA RÚA DOS VERSOS"