Adiviña, adiviñando

SON VERDE E NON SON LIMÓN,
SON MOURA E NON SON CARBÓN;
SON VERMELLA E NON SON SANGUE,
SON BRANCA E NON SON PAPEL:
A VER SE SABES QUE É?


Paco Martín. Que cousa é cousa...? Ed. Galaxia

VEN ONDA NÓS O OUTONO

VEN ONDA NÓS O OUTONO
DACABALO DO AIRE;
NOS CAMIÑOS DA FRAGA
OS OURIZOS XA ABREN.
SÍNTOO CHEGAR CONTENTO
DA ETERNA VIAXE
ENREDANDO ENTRE AS FOLLAS,
ESTREANDO FRIAXE.

ANA Mª FERNÁNDEZ.”Ondas de verde e azul”.Xerais

ADIVIÑA

ALTA ESTOU

LADRÓN VEXO VIR

DO MEU CARAPUCHO

NON PODO FUXIR.

TRADICIONAL

DON OUTONO RI

Don carballo chora landras

na amencida.

E don Outono baballa

néboa fría.

Don Labrego, de sombreiro,

aplaude a don Castiñeiro

con variña de abelaira.

E don Ourizo da chaira,

como non se ten coa risa,

cáenlle dentes de castaña.

HELENA VILLAR E XE´SUS RÁBADE."Dona e Don" Árbore-Galaxia

CONTO DE NUNCA ACABAR

HABÍA UNHA VEZ UN CATIVO

NUN CASTIÑEIRO SUBIDO

DEBULLANDO UNHA CASTAÑA,

E DE CONTARCHE ESTE LÍO

XA SE ME FORON AS GANAS.

ANTÓN CORTIZAS."Contos de vento e de nunca acabar.Árbore.

XOGO

- ¿Como te chamas?

- Comecastañas.

- ¿E de apelido ?

- Caldo cocido.

E. HARGUINDEY e outros."Lerias e enredos para os máis pequenos".Galaxia
"Noticias dos homes".Seoane.Óleo

Outono

OUTONO

Chegou o tempo de Outono
Prás castañas varear
¡Chegou o tempo do sono
e a razón de sementar!

MANUEL MARÍA." Os soños na gaiola".Xerais

ADIVIÑA

REDONDIÑA, MORENIÑA,

UN POUCO APLANADIÑA

PÓDESE COMER CRÚA,

ASADA OU COCIDIÑA

A CASTAÑA

A CASTAÑA NO OURIZO

EU BEN SEI O QUE FAI:



CANDO ESTÁ VERDE ,  MADURA.

CANDO ESTÁ MADURA,,  CAE.